कोशीमा बजेटको तयारी तिब्र, २८ अर्बको हाराहारीमा बजेट ल्याउने तयारी
बैशाख २६, २०८१ बुधबार
कोशी प्रदेश सरकारले आगामी आर्थिक वर्ष २०८१/०८२ को पूर्व–बजेट तयारी तिब्र पारेको छ । पूर्वबजेट तयारीका सम्बन्धमा प्रदेश सरकारका सचिवहरूसँग छलफल भएको हो । कोशी प्रदेश सभाको अर्थ समितिले प्रदेश सभा सचिवालयमा मंगलवार प्रदेश सरकारका प्रमुख सचिव तथा अन्य मन्त्रालय र आयोगका सचिवहरूसँग पूर्व–बजेटको तयारीबारे छलफल गरेको हो । आगामी आर्थिक वर्षका लागि २८ अर्बको हाराहारीमा बजेट ल्याउने तयारी भइरहेको प्रदेश सरकारका आर्थिक मामिला तथा योजना मन्त्रालयले जानकारी दिएको छ ।
संघीय सरकारबाट प्राप्त हुने अनुदानमा आएको गिरावटका कारण आगामी आर्थिक वर्षको बजेटको आकार घटाउने तयारी भइरहेको छ । राजश्व संकलन बढाउन भने आगामी आर्थिक वर्षदेखि नीतिगत व्यवस्था बमोजिम आवश्यक कामकारबाही अघि बढाउने गृहकार्य पनि भैरहेको छ ।
चालु आर्थिक वर्ष २०८०–०८१ का लागि पहिलो चौमासिक सकिएपछि कोशी प्रदेश सरकारले ३६ अर्ब ७४ करोड बराबरको प्रतिस्थापन बजेट ल्याएको थियो । तर आगामी आर्थिक वर्षको बजेट चालु आर्थिक वर्षको बजेटको तुलनामा केही सानो हुने बताइएको छ । आगामी आर्थिक वर्षका लागि भने पूर्वाधार विकासका क्षेत्रमा प्रदेशको प्रगति देखिने गरी बजेट निमार्ण भइरहेको छ ।
मधेश प्रदेशमा जनमत पार्टीको नेतृत्वमा सरकार बनाउने कसरत सुरु
आज विश्व दूध दिवस नेपालमा पनि मनाइयो
नेपालमा आगामी १० दिनमा मनसुन भित्रिने
चर्चित आरोही निर्मल पुर्जामाथि महिला आरोहीद्धारा यौन दुर्व्यवहारको गम्भीर आरोप
लुम्बिनी र सुदुपश्चिमका तराईका जिल्लाहरुमा तातो हावाको लहर, स्वास्थ्य समस्या दे…
नारायणहिटी दरबार हत्याकाण्ड भएको आज तेइस वर्ष पूरा, राजा वीरेन्द्र शाहको वंशन…
त्रिभुवन विश्वविद्यालयको जग्गा अध्ययन गरी प्रतिवेदन पेश गर्न समिति गठन
प्रतिक्रिया